لا تمت هباء

لا تمت هباء

السلام عليكم في حياه كل منا اختبارات كتير طول منت عايش بتقابل اختبارات بأنواع مختلفه بقي اختبارات في المدرسه اختبارات

في الكليه اختبارات في الشغل والجواز والبيت وغيرها كتير والاختبارات كلها علي حد سواء شبه بعضها حتي لو اختلفنا في تقييم كل اختبار يعني مثلا اختبار زي انك تنجح في الثانويه العامه وتدخل كليه بتحلم بيها بيمثل نفس صعوبه اختبار اول الانترفيو او مقابله العمل بالنسبه لشخص معين في شغله بتساوي حتي اختبار اول مره تطبخ لنفسك الاكل

وطبعا كل اختبار بيبقي فيه اسئله من نوع معين واجابتك في علي كل سؤال من دول بتحدد انت هتكون ايه وازاي

اسئله زي هتلبس ايه وانت خارج او وانت رايح الشغل ، هتاكل بيتزا واكل دسم وتربي كرش ولا هتنام خفيف وتحافظ علي صحتك كل دي واكتر اختبارات بتقابلنا وكلها ممكن تبان سهله عند ناس وناس تانين يبان لهم ان الموضوع صعب جدا من الاختبارات ، اختبار حب لاخيك ما تحب لنفسك و بالإيثار تكسب نفسك قبل الاشخاص 👌

هممم🤔 جمله محتاجه تفكير شويه يعني احب لاخويا اللي بحبه لنفسي دي معناها مثلا اني لو اب وولادي عايزين لبس للعيد وانا مش معايا فلوس غير اني اجيب لبس لشخص واحد انا انا او الاولاد فأنا هختار الاولاد وغيرها كتير من امثله الايثار كل الحاجات دي ممكن اي انسان يعملها في خلال فتره حياته عادي لكن لو كان الانسان بيصارع مرض مميت زي السرطان تفتكر وقتها هيختار نفسه ولا غيره ؟🤔 المنطق بيقول نفسه🧐 لان دي فيها موت يا عم وعلي رأي المثل لو جالك الطوفان حط ابنك تحت رجليك لكن خلينا نحسبها مع بعض بمعادله بسيطه

الكندي تيري فوكس 😍💪

شاب كندى ( تيرى ) صاحب الـ 18 عام اصيب بسرطان العظام فى رُكبته اليمنى ، ويعد للكشف واللف علي الاطباء قررو بتر القدم اليمنى بأكملها .. لكنه رفض .. وسأل الاطباء عن سبب لجوئهم لخيار البتر ..

فأجابوه : بأن الطب لم يدع اى فرصة امامهم سوى البتر و ان ابحاث تطوير علاج هذا النوع من السرطان سوف تتكلف 10 مليون دولار وهو مبلغ غير متوفر من الحكومة فى الوقت الحالى ..

تحركت داخل ( تيرى ) مشاعر قوية لفعل خير يفيد الآخرين ودون ان يقف مكتوف اليدين مستسلماً لمصيره المحتوم قرر ان يُفعل حملة لجمع هذا المبلغ .. بدأ يتمرن على قدمه اليسرى 14 شهراً رقم كبير بالنسبه لشخص قدامه فتره بسيطه وجسمه ينهار ويموت ،مكانش حد فاهم الغرض من اللي بيعمله 🧘🏻‍♂️🤸 .. ثم قال لاهله انه قرر ان يمشى من شرق كندا لغربها فى حملة خيرية لجمع الـ 10 مليون دولار واطلق على حملته إسم ( مارثون الامل ) وكانت البداية عام1980 .. كل يوم كان يسير على قدمه اليسرى 26 كيلومتر🚶 .. . لكن للاسف بعد سير تيري 143 يوم قطع فيهم مسافة 3339 ميل مايعادل 5373 كيلومتر .🏃. اصابه مرض شديد نقل الى المستشفى اكتشف ان السرطان قد هاجم رئتيه😰 .. وكان في الوقت ده قدر تيري ان يجمع تبرعات بحوالي 1.7 مليون دولار ولكن لم يستكمل وعاد الى كندا مرة اخرى ولكن انتشر خبر الحملة ومثابرة وشجاعة هذا الشاب فى ربوع كندا وكل انحاء العالم .. بدأت التبرعات تتوالى وتم تجميع المبلغ المطلوب ..واصلت التبرعات تاتي الى بيت تيري تعاطفا معه حتى وصلت الى 10.5 مليون دولار كندي وهنا تيري كان قدام اختبار صعب اوي. وانه يختار انه يصرف الفلوس دي علي علاجه واللي هتزود نسبه شفائه بدرجه كبيره ولا انه يختار اختيار تاني ، دايما نقطه بسيطه جدا هي اللي بتصنع شخص عظيم او تحكم علي الانسان انه يفضل شخص عادي بدون اثر ،

ارسل تيري جميع التبرعات الى الجمعيات المختصة من اجل بناء مركز لأبحاث سرطان وطبعا اطلق عليه اسم تيري والمدهش ان التبرعات لم متوقفتش عند كده بل اخذت تنهال على تيري برغم مرضه حتى اقتربت الى 23 مليون دولار 🤩. جدير بالذكر، أنه فى اخر معلومات وصلت عدد التبرعات على أبحاث تيرى ما يقرب من ٧٥٠ مليون دولار كندي.😯

وتوفى بتاريخ 28 يونيو 1981 😔مات تيري فوكس وتم اذاعة دفنته على الهواء مباشرة كنوع من التكريم له ولقد تم تشيد تمثال برونزي له من اجل تخليد ذكراه🥰 .

بلاء تيري كان عظيم والاختبار كان صعب لكن تيري اثبت ان الانسان افضل خلق الله فعلا وان في بشر يستحقوا فعل ان اسمهم يتخلد في التاريخ ليس لشئ الا لانهم عظماء🤞👌

ونختم بمقوله من تأليفنا بتقول

اعمل لغيرك يدوم خيرك🤝

ودايما قدامك الاختيار

انك تنقذ نفسك مره من الموت ولا ان تنقذها مليون مره حتي حتي بعد موتك😉 ،شكرا

by: Mohamed Elbahrawy

Designed by: Alaa fathi